വീണ്ടെടുക്കപ്പെട്ട കൂട്ടമേ!

വീണ്ടെടുക്കപ്പെട്ട കൂട്ടമേ! വേഗമുണര്‍ന്നു
രക്ഷകന്‍റെ വേല ചെയ്യുവിന്‍
അന്ത്യകാലം വന്നടുത്തേ
പെന്തക്കോസ്തിന്‍ ജ്വാലയാണേ
ചന്തമോടെ വേല ചെയ്താല്‍
സ്വന്ത നാട്ടില്‍ പോയിടാമേ
	(വീണ്ടെടുക്കപ്പെട്ട...)
അബ്രഹാം യിസഹാക്കു യാക്കോബ് എന്നീ
വിശുദ്ധര്‍ എത്ര നാളായ് പാര്‍ത്തലം വിട്ടു
കാത്തു കാത്തു നിന്നിടുന്ന സോദരാ! നീ ഓര്‍ത്തിടുക
പൂര്‍ത്തിയായ് നിന്‍ വേല തീര്‍ത്തു
പാര്‍ത്തലം വെടിഞ്ഞു പോകാം
	(വീണ്ടെടുക്കപ്പെട്ട...)
ഉന്നത വിളിക്കു യോഗ്യരേ! വിളിച്ചവന്‍റെ
സന്നിധിയില്‍ നിന്നു മാറല്ലേ
മന്നിടത്തില്‍ നിന്നെ ഓര്‍ത്തു ഉന്നതം വെടിഞ്ഞു വന്ന
നന്ദനന്‍റെ വന്ദ്യ പാദം ഓന്നായ് വന്ദിച്ചീടാം
	(വീണ്ടെടുക്കപ്പെട്ട...)
ഈ ലോക രാജ്യം അസ്തമിക്കാറായ്
മേലോക രാജ്യം വേഗമിതാ ആഗമിക്കാറായ്
പാപമില്ലാ പരിശുദ്ധന്‍ പാരിടത്തില്‍ വന്നു തന്‍റെ
പാവനമായ് ജീവിക്കുന്ന പാവനരേ ചേര്‍തണ്ടുമേ
	(വീണ്ടെടുക്കപ്പെട്ട...)
അല്പകാലം മാത്രമേയുള്ളു നാം
എത്ര വേഗം കൃത്യമായ് വേല ചെയ്തിടാം
എത്ര നാള്‍ ലഭിച്ചിടുമോ അത്ര നാളും രക്ഷകന്‍റെ
പുത്രത്വത്തിന്‍ ആത്മാവാല്‍ - ശക്തിയായ് തന്‍ വേല തീര്‍ക്കാം
	(വീണ്ടെടുക്കപ്പെട്ട...)
—– ˜™ —–